'Ssu titulu mu dèsi a usufruttu
a cu' didicai stu libru
e quagghiati dintra
i palori avissiru a figghiari
canzuna stracanciatizzi, bastardi
Ma chi nicchinacchi!
Siddu nun ci si adduta
di spaddi larghi
pilu nta vucca, panza
e milli, milli pitazza
pi cuntiniri 'a licenza
di un giargianes - o tirruni -
a nuddu futti cuòmu su'...
Gnirrusi c'è cu' pensa e stramacina
ca livoti patiènnu a strania
u scuncièrtu sbummica
minchiati di malancuni
Macari...e nun sulu...
Pi cunuòrtu o pi suppuntu
binidica sacciu
ca d'oggiall'annu a ogni annu
pi assupparimi di caluri
culura e midemma battaria
scinnu a Agira...
e nchiuiuti na menti
'n facci a un muru vacanti
i spicchiuliu a malapena...
autru ca milanisari!
Questo titolo me lo diede a uso frutto / colui al quale dedicai questo libro / e cagliate dentro / le parole dovrebbero figliare! / canzoni trasformate, bastarde. / Ma perchè mai! // Se non ci si dota / di spalle larghe / pelo sulla bocca, pancia / e mille, mille quaderni / per contenere la licenza / di un giargianes - o terrone - / a nessuno importa (lett. fotte) come son ... // Pretenziosi c'è chi pensa e rimugina / che alle volte patendo in terra estranea / lo sconcerto emana / spropositi (lett. minchiate) di malinconie. // Anche ... e non solo ...// Per conforto o per sostegno / benedica so / che da oggi all'anno a ogni anno / per inzupparmi di calore / colori e anche rumori / scendo ad Agira ... / e rinchiusi nella mente / davanti a un muro vacante / li rispecchio a malapena ... / altro che milaneserie!